Lideri i Lëvizjes Vetëvendosje, Visar Ymeri, sot në një konferencë për media ka bërë të ditur se partia e tij ka vendosur që të kthehet në Kuvend, pas një kohe të bojkotimit të legjislativit.

Ymeri ka thënë se sot në mëngjes bashk me grupin parlamentar kanë vendosur që t’u kthehet punëve të Kuvendit, raporton lajmi.net.
Ai ka njoftuar se me këtë do të rifillojnë fushatën e mëhershme të pengimit të ratifikimit në Kuvend të dy marrëveshjeve, sipas tij të dëmshme për vendin.
Bojkotimi i Kuvendit i cili kishte ardhur si vendim i përbashkët i opozitës së bashkuar, sipas Ymerit ka treguar efekt negativ, duke bërë që pushtetit t’i lihen duart e lira për të vepruar.
Ndërsa, Glauk Konjufca, ka thënë se opozita do të vazhdojë kundërshtimin e dy marrëveshjeve. Sipas tij “Zajednica” nuk do të jetë e pranueshme dhe do të kundërshtohet me të gjitha format.
Gjithashtu, ai ka kritikuar partitë në qeveri të cilat sips tij po tentojnë që Demarkacionin ta sjellin për ta votuar në Kuvend.
Konjufca nuk e ka përjashtuar bashkëpunimin e opozitës për t’i penguar këto dy marrëveshje.
Faktin se Kosova mund ta humbas liberalizimin e vizave shkaku i mos miratimit të Demarkacionit, Konjufca e ka quajtur interpretim të gabueshëm. Ai ka thënë se është e papranueshme të mos ketë diskutime shtesë për këtë temë, dhe se nuk duhet pranuar falja e tokës së Kosovës për liberalizim të vizave.