Kryetari i Lidhjes Demokratike të Kosovës, Isa Mustafa ka deklaruar se Kuvendi i Punës me shumicë të votave ka miratuar të gjitha të gjitha pikat që kanë diskutuar në kuvendin e punës së kësaj partie.
Ai tha se qëllimi themelor ka qenë që të rishqyrtojnë orientimet e tyre dhe të diskutojnë për programin e tyre sepse për herë të parë po ndërtojnë qeverinë pas luftës.
Mustafa ka sqaruar se me shumicën absolute kanë aprovuar të gjitha dokumente për të cilat kanë diskuar.
“Kemi aprovuar orientime programore të LDK, raportin e punës dhe raportin financiar ndërmjet Kuvendit të shtatë dhe tetë , si dhe strategjinë e komunikimit të LDK-së”, tha ai.
Kurse, lidhur me atë se a ka përkrahjen e partisë për Demarkacionin me Malin e Zi dhe Asociacionin e komunave serbe, Mustafa tha se në kuvend me orientimet programore, ka kërkuar që të përkrahen deputetët në Kuvend, dhe pret që do ta votojnë demarkacionin.
Lidhur me mos lejimin e Donika Gërvallës në këtë Kuvend, Mustafa tha se do të ketë zgjedhje në degën e LDK-së në Zvicër dhe Gjermani, dhe kur të zgjedhën kry etarët e këtyre degëve, çdonjëri do të merrte pjesë.
“Sa i përket zonjës Gërvalla si mysafire, nuk kemi pas një kërkesë të tillë dhe ne jemi befasuar me pjesëmarrjen e saj këtu”, tha ai.
