Edhe zyrtarët shtetëror të Belgjikës e kanë përkrahur idenë e Francës se s’duhet t’iu hiqen vizat, në këtë kohë, kosovarëve, gjeorgjianëve e ukrainasve.
Ministri belg i Emigracionit, Theo Fracken, e ka përkrahur idenë e Francës se nuk është koha e duhur për heqjen e vizave për kosovarët, ukrainasit dhe gjeorgjianët.
Ai ka thënë se heqja e vizave, për këto vende, nuk është ideja më e mirë.
Uatoday.tv cition Theo Francken, Ministër belg teksa përkrah idenë e Francës të cilën e ka deklaruar Ministri i Brendshëm, Bernard Cazeneuve.
“Duke konsideruar krizën aktuale me emigrantë, që është më e madhja që nga lufta e dytë botërore, liberalizimi i vizave (për Kosovën, Gjeorgjinë dhe Ukrainën) nuk do të kishte qenë ideja më e mirë. Koha luan një rol shumë të rëndësishëm në politikë”, ka deklaruar Ministri belg i Emigracionit, transmeton Gazeta Express.
Ndërkohë, sot më herët, ministri francez i Brendshëm, Bernard Cazeneuve ka thënë: “Ne nuk mund të propozojmë heqjen e vizave për Kosovën, Gjeorgjinë dhe Ukrainën në javët apo muajt e ardhshëm. Franca s’e dëshiron këtë”.
Këto deklarata dolën gjatë samitit të Këshillit të Europës, ku Ministrat Europianë diskutuan liberalizimin e vizave me Turqinë. Sipas BBC-së, komenti i Cazeneuvet është përkrahur nga zyrtarët tjerë./Gazeta Express/
