Njëri prej themeluesve të LDK’së njëkohësisht profesor në Fakultetin e Matematikës dhe Shkencave Natyrore në Universitetin e Prishtinës, Rexhep Gjergji, ka reaguar përmes një shkrimi në Facebook për largimin e Kryetares së Degës së LDK’së në Gjermani, Donika Gërvalla nga mbledhja e Këshillit të Përgjithshëm të kësaj partie.
Shkrimi i plotë i Gjergjit në Facebook:
Reagim ndaj dhunës që Isa Mustafa ushtroi ndaj Donika Gërvallës
Dhuna e egër prej rrugaqësh e Isa Mustafës dhe klikës së tij ndaj Kryetares se Degës së LDK në Gjermani, Donika Gërvallës, goditën dhe indinjuan secilin anëtarë të LDK-së dhe secilin qytetarë të ndershëm të Kosovës dhe shqipëtarët në diasporë. Sjelljet e tilla të udhëheqjes së LDK-së janë përpjekje për mbytjen e fjalës së lirë, mendimit të lire dhe ngulfatjes së demokracisë. Në fakt, këto janë veprime që po rrënojnë themelet e LDK-së dhe filozofisë burimore të saj. Unë e dënoj ashpër këtë dhunë të egër dhe apeloj te të gjithë anëtarët dhe strukturat e LDK-së të dënojnë këtë sejllje të dhushme dhe të kërkojnë përgjegjësi ndaj Musatfës dhe klikës së tij. Sjelljet e tilla janë të palejueshme në shoqëritë demokratike. Vecanërisht kjo është e patolerueshme kur ndodhë ndaj një embleme të LDK-së dhe të Kosovës”, ka shkruar Gjergji.
