Njeri nga ish- ministrat e Qeverisë së Kosovës, dyshohet se ka ngacmuar seksualisht një studente. Gazeta Blic ka marrë vesh se ky ish- ministër tash mësimdhënës në Universitetin e Prishtinës, është intervistuar gjatë ditës së djeshme, pas denoncimit që kishte bërë një studente.
Gazeta Blic e ka kontaktuar edhe Policinë e Kosovës, mirëpo këta të fundit nuk kanë dhënë detaje. Sipas tyre, e gjitha gjendet në raportin ditor të policisë.
“Policia e Kosoves pothuajse te gjitha rastet e incidenteve kriminale i bene publike permes raportit 24 oresh për të gjitha rajonet, andaj ju lutem i referoheni raportit te publikuar sot”, ishte përgjigja e Policisë së Kosovës, dhënë Gazetës Blic.
Ndërkaq, burime brenda policisë thonë se fjala është për R. O., duke mos dhënë më shumë detaje tjera.
Në raportin zyrtar të Policisë thuhet se pas intervistës nga prokurori, i dyshuari është liruar në procedurë të rregullt.
“Viktima femër K-Shqiptare ka raportuar se i dyshuari mashkull K-Shqiptar e ka ngacmuar seksualisht. Viktima nuk ka pësuar lëndime trupore. I dyshuari pas intervistës me urdhër të prokurorit lirohet në procedurë të rregullt”, thuhet në raportin e Policisë së Kosovës.
