Ligji për kryeqytetin po vazhdon të zvarritet sa i përket miratimit nga Qeveria. Madje, mosmiratimi i këtij ligji jo rrallë ka shkaktuar dhe po vazhdon të shkaktojë përplasje mes pozitës dhe opozitës në Kuvendin komunal të Prishtinës. Këtyre përplasjeve nuk u kishte shpëtuar as kryeministri i tanishëm i vendit Isa Mustafa, i cili në kohën sa ishte kryetar i Komunës së Prishtinës kërkonte nga kryeministri i atëhershëm Hashim Thaçi që ky ligj të miratohej.
Mosmiratimi i këtij ligji as tash kur Qeveria drejtohet prej ish-kryetarit të komunës ka filluar të shfaq pakënaqësi edhe te shoqëria civile. Anëtari i shoqërisë civile, Krenar Shala, ka filluar një nismë e cila është shpërndarë nëpër rrjete sociale në të cilën kërkohet që ti bëhet presion Qeverisë që të miratohet ligji për Prishtinën.
