Kryetari i Aleancës për Ardhmërinë e Kosovës Ramush Haradinaj, është shprehur i bindur se fajin kryesor për shkallën e lartë të korrupsionit në vend, e mban presidenti Hashim Thaçi, raporton GazetaBlic.
“I vetmi arkitekt për këtë shkallë të korrupsionit në Kosovë është Hashim Thaçi”, ka thënë në Click ai, përcjellë GazetaBlic.
Kjo nuk është akuza e vetme karshi presidentit.
Sipas tij, finalizimi për heqjen e vizave, nuk mund të rrezikohet nga askush tjetër, pos nga vetë presidenti Hashim Thaçi.
“Vetëm Hashim Thaçi mund ta rrezikojë liberalizimin e vizave, as opozita apo dikush tjetër”, ka shtuar tutje Haradinaj.
Ndërsa, ka thënë se po të punonte për shtetin, ish-lideri i PdK-së, nuk do ta binte punën deri këtu, “të mbytemi ndër vete”, siç ai është shprehur.
Sipas Haradinajt, njerëzit e pushtetit janë duke luajtur me popullin. Për këtë edhe duhet dalë në protestë.