Kryetari i Kuvendit të Republikës së Kosovës, Kadri Veseli, takoi sot një delegacion të Komisionit për Çështje Evropiane të Parlamentit të Danimarkës, të kryesuar nga Mette Gjerskov.
Duke shprehur kënaqësinë për rritjen e komunikimit e të bashkëpunimit ndërmjet Kosovës dhe Danimarkës, përkatësisht, dy parlamenteve respektive, Veseli shprehu interesimin që ky bashkëpunim të thellohet e zgjerohet edhe më tej, duke e konsideruar përvojën parlamentare daneze shumë të vyer për Kosovën dhe Kuvendin e saj, njofton kumtesa nga Zyra për Informim e Kuvendit, transmeton Koha.net.
Veseli e njoftoi delegacionin parlamentar nga Danimarka për zhvillimet aktuale në vendin tonë, ndërsa vendimet e fundit të institucioneve të ndryshme evropiane lidhur me Kosovën, i konsideroi të një rëndësie të veçantë për qytetarët e vendit tonë.
Parlamentarët danezë theksuan përkrahjen e shtetit të tyre për Kosovën, në rrugëtimin e saj euro-integrues.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
