Operacioni i fundit i Policisë së Kosovës së bashku me Misionin për Sundimin e Ligjit në Kosovës, EULEX, sipas Bashkimit Evropian është një shembull i shkëlqyer i bashkëpunimit.

Sipas Prokurorisë, rasti përfshinë veprat penale të krimit të organizuar; Pastrim parash; keqpërdorim i pozitës zyrtare; falsifikim i dokumenteve zyrtare; dhënie dhe marrje të ryshfetit.

Bëhet fjalë për rreth 350 policë që kanë bastisur rreth 42 lokacione, që lidhen me 40 të dyshuar të një hetimi penal që është duke vazhduar, në krye të cilëve qëndron ish-deputeti i PDK-së, Azem Syla.

“Operacioni i fundit i Polici e Kosovës-EULEX, është një shembull i shkëlqyer se si autoritetet për sundimin e ligjit në Kosovës dhe EULEX punojnë së bashku në luftën kundër krimit të organizuar dhe korrupsionit,” është shprehur për TribunaChannel, zëdhënësja e Bashkimit Evropian, Maja Kocijançiq.

Por, përfaqësues të shoqërisë civile e kanë quajtur spektakël këtë që ka bërë EULEX-i duke e lidhur me përfundimin e mandatit të këtij misioni në Kosovë, dhe duke e parë si presion ndaj institucioneve vendore për t’ia zgjatur mandatin.

\Gazeta Tribuna\