Asociacioni i Gazetarëve të Kosovës ka pranuar me shqetësimin informatat se ish-gazetarja e portalit “Insajder”, Egnesa Vitia është fyer nga kryeredaktori Vehbi Kajtazi dhe redaktori Vullnet Krasniqi.
AGK-ja nuk është e pajtuar me formën e trajtimit të punëtores nga kolegjiumi i këtij mediumi duke përfshirë edhe mosrespektimin e ligjit të punës.
Mungesa e kontratave dhe pagesat e tilla minimale nuk duhet të jenë praktika neper mediat tona.
AGK-ja kërkon respektim të ligjit të punës dhe posaçërisht respektim të dinjitetit të gazetarëve sidomos atyre që janë të rinj në profesion.
Ne rekomandojmë palët që të gjitha mosmarrëveshjet t’i zgjedhin duke iu drejtuar organeve kompetente, si Inspektoratit të Punës dhe Gjykatës, thuhet në reagimin e AGK-s.
