Kryetari i Gjilanit, Lutfi Haziri, në përvjetorin e 15-të të vrasjes së kryetarit të parë të Komunës së Klinës, Ismet Rraci, ka thënë se ai u vra tinëzisht.
Sipas tij, ka ardhë koha e fundit që drejtësia të thotë fjalën e vet.
“Ismet Rracin e vranë në mënyrë tinëzare sepse po iu shërbente qytetarëve të Klinës në përpjekje për t’ua bërë jetën dinjitoze”, shkruan Haziri në Facebook.
Ai thotë se kolegu dhe miku i tij, Rraci do të mbahet në mend për guximin intelektual e qytetar në shërbim të atdheut.
“Koha e fundit që drejtësia ta thotë fjalën e vet në mënyrë që eshtrat e Ismetit të pushojnë të qetë. Lavdi e përjetshme veprës së tij!”, ka shkruar në fund.
Rraci u vra në vitin 2001, dy vite pas luftës çlirimtare të Kosovës./rtk/
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
