Samuel Zhbogar, shef i zyrës së Bashkimit Evropian në Kosovë ka thënë se marrëveshja e Stabilizim Asociimit e cila hyri në fuqi më 1 prill është mjaft e rëndësishme dhe ajo do të sjellë beneficione ekonomike të cilat sjellin të mira për qytetarët e Kosovës.
Këto vlerësime numri një i Brukselit në Kosovë i bëri në tryezën me temën “Si ta shndërrojmë MSA-në në një proces për reforma thelbësore në Republikën e Kosovës?” të organziuar nga Grupi për Studime Juridike dhe Politike dhe Inistituti i Prishtinës për Studime Politike, njofton Klan Kosova.
Duke folur për këtë ujdi të Kosovës me BE-në, Zhbogar shtoi më tutje se bazuar në zhvillimet e viteve të kaluara në Kosovë, kjo është një marrëveshje reflektuese.
“Duam të shohim sundimin e ligjit të fuqizuar dhe një Kuvend të qetë” u shpreh ai.
Sipas Zhbogar, kjo marrëveshje në anën ekonomike është përparim i pozitës së Kosovës në tregun evropian duke mundësuar eksport, si dhe “do të krijoj tërheqje të investimeve për mirëqënie më të mirë, heqjene korrupsionit, produkte më të mira për qytetarët si dhe shërbime më të mira sa i përket mbrojtjes së konsumatorëve”
“Fokusi duhet të jetënë fuqizimin e produkteve vendore. Ka 4 vite që jam këtu dhe shoh që çdo ditë Kosova përparon”
“E ardhmja e Kosovës evropiane ka nisur me MSA-në” ka potencuar shefi i zyrës së BE-së në Kosovë.
Pos të dërguarit të BE-së në Prishtinë, në këtë tryezë po marrin pjesë edhe kryeministri Isa Mustafa, kryeparlaemntari kadri Veseli, lideri i Vetëvendosjes, Visar Ymeri.
