Presidenti i Serbisë, Tomislav Nikoliq, ka deklaruar se shpesh ka kërkuar nga përfaqësuesit e Bashkimit Evropian që të deklarohen nëse në fund të procesit të integrimit Evropian, Serbinë do ta presë kërkesa për njohjen e pavarësisë së Kosovës.
Sipas Nikoliq, do të ishte mirë që BE-ja të deklarohet për këtë, në mënyrë që të shohin edhe disponimin e qytetarëve.
Nikoliq ka përsëritur para mediave greke, se nuk ekziston kurrfarë mundësie që Serbia të njoh pavarësinë e Kosovës, qoftë edhe nëse rrezikohet hyrja e saj në Bashkimin Evropian.
Ai ka shtuar se BE-ja duhet të sqarohet, nëse qëllimi i saj është që Serbia të bëhet anëtare e BE-së.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
