Albulena Haxhiu deputetja e Lëvizjes Vetëvendosje është e ftuar në Info Magazine të Klan Kosovës.
Deputetja Haxhiu ka komentuar bashkëpunimin mes tri partive opozitare Vetëvendosjes, Aleancës për Ardhmërinë e Kosovës dhe NISMA-s.
“Prej shtatorit, bashkimi opozitar ka nisur dhe gjatë këtyre shtatë muajve jo vetëm kemi bllokuar Qeverinë por kemi bllokuar Serbinë pasi Serbia ka insistuar që të formohet Zajednica”.
“Mua më dhimbset krejt kjo çfarë ka ndodhur, me gjithë atë bashkëpunim opozitar që u shndërrua në bashkim qytetar arritëm që të sigurojmë që në sheshet e Prishtinës të jenë mbi 200.000 qytetarë”.
“Nuk ka Opozitë të bashkuar, telashet e brendshme nuk kanë nisur dje, përkundrazi dua të theksoj disa arsye ku kanë nisur problemet”.
Më tutje ajo ka sqaruar kur kanë nisur telashet mes opozitës.
“Veprimet e njëanshme të AAK-së,Haradinaj vendosi të shkonte në takime me Thaçin-Mustafën”.
“Veprimi i njëanshëm tjetër, ishte kur pa u konsultuar me opozitën e bashkuar , në kohën kur e la mandatin e deputetit, ka qenë e udhës që të na konsultojë dhe ta komentojë që do ta bëjë një veprim të tillë”.
“Më pas edhe vendimi për thirrje të protestës, ka pasur një sërë vendimesh të njëanshme”.
