Kush po e mban sistemin e drejtësisë në udhëkqryq?
Prokurorët (a)po flirtojnë me politikën dhe oligarkinë e inkriminuar?
“Me këtë ritëm dhe metodologji nuk mund të luftohet krimi i organizuar, e as korrupsioni. Kemi pritur shumë edhe nga emërimi i Kryeprokurorit të ri të Shtetit, porse deri tani nuk ka ndonjë lëvizje pozitive as në këtë drejtim”, ka theksuar profesor Riza Smaka për gazetën “Kosova Sot”
Shkalla e lartë e korrupsionit dhe krimit të organizuar në vend mbetet ndër sfidat parësore në sistemin e drejtësisë. Kësisoj, derisa individë të caktuar nga organet e gjyqësisë dhe ato të prokurorisë vazhdojnë të flirtojnë me politikën dhe oligarkinë e inkriminuar, duke i ruajtur kështu privilegjet e tyre, nuk ka shpresë se të paktën do të ndryshohet kjo gjendje tepër e rëndë në sistemin e drejtësisë. Se a pritet të ketë ndonjë ndryshim për të mirë dhe t’u kthehet shpresa qytetarëve, sidomos me Kryeprokurorin e ri të Shtetit, Aleksandër Lumezin, dhe a do të jetë në gjendje ai që ta pastrojë së pari, ta quajmë, oborrin e vet brenda prokurorisë, për të vazhduar pastaj edhe me gjyqtarët e inkriminuar, politikanët, qeveritarët dhe të tjerët e inkriminuar, flasin njohësit e kësaj fushe. Analisti Shefqet Dibrani, në një prononcim për gazetën “Kosova Sot”, ka thënë se gjithmonë dhe kurdoherë janë burokracitë, që i kanë shkatërruar sistemet, sikurse, siç thotë, nuk mund të shpresohet se krimi dhe korrupsioni do të luftohen nga ata që janë pjesë e tij. Në këtë drejtim, Dibrani thotë se për të mos bërë përpjekje është një e keqe tjetër sfiduese, prandaj, sipas tij, do të ishte mirë që edhe në institucionin e drejtësisë të nisin rreshtimet e diferencimet e prokurorëve dhe zyrtarëve përgjegjës për t’u identifikuar ata, të cilët janë të gatshëm për t’u përballur me krimin ekonomik dhe politik për motive korrupsioni, i cili i ka ngufatur jo vetëm proceset, por të gjitha zhvillimet pozitive në Kosovë. Tutje, ai ka nënvizuar se nëse prokurorët dhe zyrtarët e tillë nuk distancohen apo nuk largohen shumë shpejt nga postet përgjegjëse, e keqja në Kosovë do të zgjatet edhe për një kohë të pacaktuar… (Më gjerësisht mund t’a lexoni në numrin e sotëm të gazetës KOSOVA SOT)
