Në vazhdën e takimeve me diplomatë dhe përfaqësues të lartë shtetesh, presidenti i Republikës së Kosovës, Hashim Thaçi ka pritur në takim kryeministrin shqiptar, Edi Rama.
“Presidenti i Republikës së Kosovës, Hashim Thaçi, në kuadër të takimeve të shumta që ka zhvilluar pas ceremonisë së inaugurimit, takoi edhe kryeministrin e Shqipërisë, Edi Rama”, njofton Presidenca.
Sipas komunikatës, Thaçi ka thënë se në rolin e ri si president i Kosovës, një vëmendje të veçantë do t’i kushtojë marrëdhënieve vëllazërore me Shqipërinë.
Ndërsa, kryeministri Edi Rama ka uruar presidentin Thaçi për postin e ri dhe për ceremoninë e inaugurimit, të cilën ai e ka quajtur madhështore.
I pari i ekzekutivit të Shqipërisë e ka siguruar presidentin Thaçi se e ka mbështetjen e plotë të tij dhe të shtetit shqiptar.
