Presidentja Jahjaga para se ta kryej mandatin e saj dhe t’ia dorëzon këtë post Hashim Thaçit e ka kryer edhe një shërbim tjetër si presidente.
Ajo sot ka dekretuar nëntë ambasadorë dhe një konsull të përgjithshëm. Këtë e ka bërë në bazë të propozimeve të Ministrisë së Punëve të Jashtme Jahjaga për një kohë i ka bllokuar propozimet e Ministrisë së Punëve të Jashtme, për arsye se e shumica e propozimeve janë emra politikë.
Në zyrën Atifete Jahjagës i kishin thënë Gazetës Express, kohë më parë, se arsyje e mos dekretimit është se shumica e propozimeve janë emra politikë, çka bie në kundërshtim me Ligjin, sipas të cilit, në shërbimin diplomatik të Kosovës duhet të respektohet kuota 50 me 50; që i bie 50 përqind janë diplomatë karriere, e 50 përqind emra politikë.
Ambasadorët e dekretuar janë këta:
- Z. Skender Durmishi, Ambasador në Malin e Zi, 2. Z. Lulzim Iseni, Ambasador në Kanada 3. Z. Albert Prenkaj, Ambasador në Panama 4. Znj. Nazane Breca, Ambasadore në Zvicër 5. Z. Qendrim Gashi, Ambasador në Francë 6. Z. Ramiz Lladrovci, Ambasador në Shqipëri 7. Z. Leon Malazogu, Ambasador në Japoni 8. Z. Bernard Nikaj, Ambasador në Belgjikë 9. Znj. Luljeta Vuniqi, Ambasadore në Hungari 10. Znj. Teuta Sahatqija, Konsulle e Përgjithshme në Nju Jork
Ndër të propozuarit nga MPJ ishte edhe Bujar Bukoshi, ish-zëvendëskryeministër në qeverinë e kaluar, i cili u propozua si Ambasador “At Large”.
