Një grup të rinjsh gjermanë kanë rrahur mbrëmjen e të martës në Weinhubel, Görlitz dy të rinj kosovarë të moshës 16 dhe 18 vjeçare. Ende nuk dihet arsyeja dhe motivet e këtij sulmi, shkruan dpa.de.
Rrahja ka ndodhur rreth orës 20, me ç`rast një numër të rinjsh gjermanë sulmuan fizikisht kosovarët 16 dhe 18 vjeçarë, transmeton albinfo.ch. Kjo mund të ketë ndodhur, sipas njohurive të para të policisë gjermane për faktin se dy të rinjtë ishin takuar me vajza vendëse, gjermane.
Për pasojë janë lënduar të dy të rinjtë kosovarë ndërsa 16 vjeçari aq rëndë sa që është dashur të shtrohet në spital.
Policia është në kërkim të dëshmitarëve të ngjarjes.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
