Në emër të delegacionit gjerman, Peter Weiss, falënderoi anëtarët për kohën e tyre, dhe shprehu shqetësimet e tyre rreth situatës momentale në Evropë dhe krizës së refugjatëve, duke kërkuar ndihmë dhe zgjidhje të përbashkët sa i përket refugjatëve ilegal nga Kosova. Ai gjithashtu, theksoi se duhet të gjendet një rrugë e përbashkët për t’i ndihmuar Kosovës që të njihet edhe nga 5 shtetet anëtare të BE-së që ende nuk e kanë njohur Kosovën.
“Sahatqija, e vlerësoi liberalizimin e vizave të domosdoshëm për qytetarët e Kosovës, dhe si problem akut. Ajo gjithashtu e informoi delegacionin për pengesat e Serbisë për anëtarësimin e Kosovës në organizatat të ndryshme, si ato rajonale apo ndërkombëtare”, thuhet në njoftim, transmeton lajmi.net
Në vazhdim, anëtarët e komisionit, Haliti, Deda, Osmani dhe Gashi shprehen shqetësimet e tyre në lidhje me anashkalimin e problemeve të Ballkanit Perëndimor, pas krizës së refugjatëve në Evropë. Shqetësim shprehen edhe rreth amendamenteve të cilat i paraqitën delegacioni Serb në Këshillin Evropian, të cilat u votuan edhe nga përfaqësuesit e Gjermanisë. Anëtarët gjithashtu kërkuan një sqarim rreth raportit të BE-së me Kosovën, si dhe krijimin e një cikli të besueshëm të bashkëpunimit.
Ndërkaq, anëtarët e delegacionit gjerman janë zotuar se Bundestagu do të mbështes edhe me tej Kosovën në liberalizimin e vizave. Ata gjithashtu theksuan se bashkëpunimi rajonal është i një rëndësie të madhe, si dhe vlerësuan parlamentin si një vend të shenjtë të demokracisë, i cili duhet ruajtur dhe mos përbaltur.
