Zëdhënsi i Vetëvendosjes, Frashër Krasniiq, i është kundërpërgjigjur reagimit të LDK-së, ku kjo e fundit akuzojë dy deputët e VV-së, Albin Kurtin dhe Glauk Konjufcen për lidhje të ngushta me Serbinë.
Ja reagimi i plotë i Krasniqit
LDK-ja në reagimin dëshpërues të saj, nuk e paska mohuar lidhjen biznesore të Isa Mustafës me Mishkoviqin.
“Djemtë e tij sjellin në Kosovë mallra të Serbisë, të cilat i marrin nga kompania e Mishkoviqit, ish-zv.kryeministër i Millosheviqit. Për këtë sot treguam fakte.
Por sot Isës i doli sheshit edhe skandali tjetër i licensimit për terminal të kompanisë së djalit të tij. Për këtë aferë korruptive Isa Mustafa duhet të jap dorëheqje të menjëhershme dhe të ndiqet penalisht!
E sa i përket akuzës qesharake për Albin Kurtin, populli i Kosovës e di që Albini nuk i është nënshtruar e as lëshuar pe Serbisë, as para as gjatë dhe as pas burgut. Kurse Isa Mustafa ka qenë vartës dhe u ka shërbyer politikave të Serbisë prej fillimit të karrierës së tij politike e deri sot. Politikisht duke ia kriju ‘Zajednicën’ kurse ekonomikisht duke i angazhu djemtê që të bëjnë biznes me Mishkoviqin.”
