Kryeministri Isa Mustafa së bashku me ministrat e kabinetit të tij, Imer Rrahmanin, Avdullah Hotin e Hykmete Bajramin në vazhdën e vizitave që po u bënë bizneseve në vend, të premtën ka vizituar fabrikën që merret me prodhimin e barnave “Trepharm”.
Nga ajo që pa në këtë fabrikë, kreu i ekzekutivit kosovar tha se e ka parë Evropën në Kosovë.
Sipas tij kjo fabrikë i plotëson të gjithë standardet të cilat i kërkon Bashkimi Evropian.
Ndërkaq pronari i kësaj fabrike, Bedi Prishtina, e ka felenderuar kryeministrin për reformat që qeveria i ka bërë në Kosovë. Sipas tij, reforma që u bë me TVSH-në ia kanë lehtësuar punën biznesit të tij.
Pas përfundimit të vizitës tek kjo fabrikë Mustafa ka vazhduar për në Drenas te Parku i Biznesit. Klan Kosova
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
