Xhenifer Sulo është e dashuruar pas futbollit dhe kuqezinjve. Milani, Kombëtarja shqiptare dhe Flamurtari janë ekipet e saj të zemrës. Ajo është një tifoze e rrallë e vlonjatëve, të cilët i ndjek në çdo ndeshje.
Bukuroshja është shumë e lidhur me skuadrën e vendlindjes së saj dhe prezenca e saj në stadium padyshim që tërheq vëmendjen jo vetëm të tifozëve, por dhe të futbollistëve. Madje, këta të fundit nuk hezitojnë që ta kontaktojnë duke e komplimentuar për paraqitjen dhe praninë e saj gjatë ndeshjeve.
“Kam lindur në këtë qytet. Që e vogël babai më merrte me vete në stadium dhe me kalimin e kohës u bë pjesë e pandashme e jetës sime. Unë i adhuroj ngjyrat kuqezi. Jam tifoze e Milanit, Flamurtarit dhe Kombëtares. Më pëlqen shumë futbolli dhe dëshiroj që në të ardhmen të punoj si gazetare sportive”, ka deklaruar 22-vjeçarja në një intervistë për Panorama Sport.
Pyetjes se a e ngacmojnë futbollistët, ajo i është përgjigjur: “Normalisht marr ngacmime si çdo femër nga shumë futbollistë, si në Vlorë, edhe kur jetoja jashtë… Kjo ndodh kur jam në kafe ose ka raste që më komplimentojnë dhe shkruajnë në rrjetet sociale, Facebook apo Instagram… Kujtoj, kur po ndiqja në stadium ndeshjen ndaj Partizanit në ‘Qemal Stafa’, disa prej tyre më kontaktuan menjëherë në rrjetet sociale. Sesi arritën të më gjenin, nuk e di”.
Xhenifer ka thënë se futbollistët shfrytëzojnë rastin meqenëse ajo e ndjek futbollin duke i shkruar fillimisht për këtë gjë dhe pastaj: “Siç është natyra e meshkujve, fillojnë me komplimentet e tipit ‘ke stil të veçantë në veshje’, etj”.
“Më së shumti në Itali kam marrë ftesa nga lojtarë që ishin të martuar, ndërsa këtu mund të them beqarët”, ka treguar ajo.
