Deputeti i LDK-së, i cili nuk mori pjesë ne seancën e zgjedhjes së Hashim Thaçit president, sot përmes një njoftimi në Facebook ka theksuar se vendimin e ka marrë në mënyrë të pavarur.

Të nderuar miq,qytetar dhe anëtarësi e gjërë e LDK-se

Dje në seancën e Kuvendit të Kosovës u zgjodh Kryetari i Kosovës dhe kjo ngjarje padrejtësisht dhe pa asnjë arsye po duket se po shkakton një debat jo të dobishëm në LDK.
Dua t’ju bëjë me dije të gjithë qytetarëve të Kosovës,anëtarësisë dhe simpatizuesve te saj se vendimi im për mospjesmarrje në Seancen e Kuvendit për zgjedhje të Kryetarit te Kosovës ka qenë krejtësisht i pavarur,dhe pa inponim nga askush.
Për këtë vendim jam udhëheqë nga parimi se po bëjë më të mirën në interes të përgjithshëm për Kosovën dhe qytetarët e saj në radhë të parë dhe pastaj interesave të LDK-se dhe asapk nga interesa të mija personale.
Unë dhe familja e ime me shekuj kemi punuar dhe jetuar gjithmonë me nderë dhe dinjitet,kurrizdrejt dhe ballëlartë.
Të nderuar elektorat i LDK-se,është e padrejtë dhe gabim të dyshohet në patriotizmin,atëdhedashurinë dhe besnikërinë në filozofinë Rugoviane për secilin Deputet.
Prandaj ju ftoj që të gjithëve që të ndalin kualifikimet e Deputetëve në Rugovista dhe jo Rugovista.
Dhe te gjithë të punojmë ne forcimin e radhëve te LDK-se dhe ta lejojmë Qeverinë e Kosovës dhe Kryeministrin Isa Mustafa që të bëjnë punë të mira për Kosovën dhe qytetarët e saj ashtu si ka bërë edhe deri më sot,për zhvillimin më të shpejt ekonomik dhe integrimet euroatlantike të Kosovës.

Sinqerisht,

Hatim Baxhaku