Partia Demokratike e Kosovës, dega në Prishtinë ka mbajtur një mbledhje me strukturat e degës ku është diskutuar për situatën politike në vend, e po ashtu, nga kjo mbledhje është bërë thirrje për gjakftohtësi nga qytetarët.
Në takimin e PDK-së së Prishtinës, është diskutuar edhe për zgjedhjen e Thaçit president, kurse kryetari i saj, Lirak Çelaj ka kërkuar që të gjithë të japin kontributin për respektimin e Kushtetutës së vendit.
Në mbledhje u diskutua për situatën aktuale, aktivitetet, zhvillimet brenda degës së PDK-së në
“Tani jemi në një situatë politike në të cilën të gjithë, në një formë ose tjetrën jemi pjesëmarrës të saj. Në ditët në vazhdim presim që të kemi zhvillime politike pozitive dhe kërkoj nga Ju që të gjithë të jepni kontributin tuaj. Jemi të bindur se duke ruajtur gjakftohtësinë, duke respektuar Kushtetutën dhe ligjet e vendit tonë, të gjithë qytetarët pa dallim do ta japin kontributin e vet që imazhi i vendit tonë të jetë pozitiv jo vetëm për qytetarët tanë por edhe për imazhin tonë në botë”, ka thënë Çelaj.
Ndër të tjerash bën me dije PDK-ja e Prishtinës, Çelaj po ashtu ka theksuar se qytetarët duhet të kenë besim në institucione, në vendimet e saj, duke sugjeruar shmangien nga çdo lloj dhune, duke theksuar se çdonjëri nga ne ka për obligim të jap kontributin e vet në të mirën e vendit, të tashmes dhe të ardhmes tonë.
