Dje pas përfundimit të protestës ka ndodhur vetëm një gjuajtje drejt forcave të rendit, pas tendës së grevistëve ferizajas.
Sipas një kumtese të dërguar nga opozita e bashkuar, personi që ka gjuajtur me shishe është identifikuar dhe fotografuar nga ta se ai mbante me vete një revole të tipit Glock, me të cilat është e pajisur policia, transmeton Koha.net.
“Një person gjuajti me shishe ndaj policisë. Kujdestarët e identifikuan dhe e fotografuan atë person, i cili me vete mbante një revole të tipit Glock me të cilat është e pajisur policia”, thuhet nga opozita.
Ata më tej kanë thënë se e kanë fotografinë e atij personi dhe besojnë që është i strukturave të sigurisë së pushtetit, i infiltruar në masë që të provokojë dhunë.
“Ne e kemi fotografinë e tij dhe besojmë se ai është njeri i strukturave të sigurisë së pushtetit, i infiltruar në masë që të provokojë dhunë”, përfundon opozita e bashkuar.
