Kështu fillon shkrimin e saj në rrjetin social Facebook, Donika Gërvalla. Hashim Thaçi, nuk e fsheh tronditjen që ditën e Pavarësisë nuk u përgjakën rrugët e Prishtinës. Gërvalla, më tej thotë se Thaçi, nuk arriti t’a përmbaj vehten që t’mos e tregoj tronditjen e tij rreth faktit që sot, nuk pati dhunë dhe gjakderdhje, dhe një karakter i tillë nuk ka se çfarë të kërkojë në postin e Presidentit të Kosovës.
Më tej, Gërvalla shpreh habinë se si kryetari i LDK-së, partisë së Ibrahim Rugovës, është në shërbim të një figure të tillë dhe në oponencë të hapur me elektoratin e LDK-së.
“Presidenti i Republikës së Kosovës, të cilin Kushtetuta e përkufizon si person unifikues, nuk mund të jetë Hashim Thaçi, të paktë jo me vota të deputetëve të LDK-së. Ai sot, duke provokuar hapur dhunën me deklaratën e tij të marrë, përfundimisht e ka diskualifikuar vetveten për çdo lloj posti në politikën kosovare” – shton Gërvalla.
Ashtu siç e pat kërcënuar hapur fizikisht para shumë vitesh Kryetarin e Kuvendit, Prof. Nexhat Dacin, ashtu sot u paraqit si kapo i një bande kriminale, i cili tregohet i dëshpëruar që nuk i’u dha mundësia për të mbajtur për t’i njollosur edhe më shumë kundërshtarët e tij, thuhet në statusin e Gërvallës.
“Hashim Thaçi për Kosovën është një bombë me sahat, një rrezik i madh politik. Si të tillë e njohim prej vitesh dhe kjo është arsyeja pse ai kurrë nuk do të mund të fitonte shumicën e votës popullore në zgjedhje të drejtpërdrejta. Dhe ai këtë duket ta dijë shumë mirë. Sot na tregoi se pse një shumicë bindëse në Kosovë nuk i beson dhe e konsideron si kokë të krimit dhe të korrupsionit – sepse sot, si edhe në të kaluarën ka dëshmuar që nuk stepet as para dhunës primitive për të arritur qëllimet e tij” – shton më tej Gërvalla.
Është çështje e Isa Mustafës nëse ka vendosur që të dorëzohet para figurës së Hashim Thaçit. Por as Isa Mustafa dhe as LDK nuk guxon ta lërë Kosovën në duar të Hashim Thaçit, ngase sipas Gërvallës, Thaçi na dëshmoi që është i rrezikshëm, primitiv, brutal dhe i papërmbajtshëm. Qeverisja e Hashim Thaçit Kosovës i ka sjellë varfëri, radikalizim dhe izolim dhe është koha që kjo fazë të përfundojë njëherë e përgjithmonë.
“Është koha të hidhet poshtë kandidatura e Thaçit, të reformohet LDK, të shkohet me jë LDK të reformuar në zgjedhje të reja dhe me një LDK të fortë të ngrihet Kosova në këmbë të veta. Nuk do të jetë lehtë, por është e pashmangshme” – përfundon Gërvalla
