Kryetari i Këshillit Kombëtar të Nismas, Jakup Krasniqi ka qenë i radhës që ka folur para protestuesve.
“Sot me të drejt të gjitha rrugët e Kosovës, kishin vetëm një drejtim, Prishtinën”.
Ai ka thënë se jo protestë po bëhet kundër mashtruesve të popullit e të atdheut.
“Rinisë së Kosovës i duhet shteti i zhvilluar, na duhet shteti me sovranitet. Ky nuk është shteti për të cilin kanë luftuar breza e breza për një shekull të tërë”, ka thënë Krasniqi.
Ai ka vazhduar duke thënë se dorëheqja e kësaj qeverie do të ishte puna më e mirë që mund ta bëjnë, dhe mandatin e tyre të ua dorëzojnë qytetarëve të vendit, në mënyrë që t’i zgjedhin përfaqësuesit që mbrojnë interesant e vendit.
Në fund Krasniqi ka thënë se janë aty që së bashku me ju ta forcojmë demokracinë dhe sovranitetin e vendit.
