Shefi i Kabinetit të kryeministrit Isa Mustafa, Sokol Havolli e ka quajtur për keqardhje reagimin e Prishtinës, dhe tentimin, siç ka thënë ai, për të penguar e ndërrimin e fotografisë së Ibrahim Rugovës në Sheshin kryesor të Prishtinës.
Ndërrimi i fotografisë së Rugovës, sipas Havollit, është bërë me kërkesën shumë qytetarëve, transmeton Koha.net.
Për këtë ndërrimi Havolli ka shkruar:
Është për keqardhje reagimi i Komunës së Prishtinës dhe tentimi i këtyre të fundit për të penguar ndërrimin e fotografisë së Presidentit Historik të Republikës së Kosovës, Dr. Ibrahim Rugova, e cila për shkak të dëmtimit në vite, me kërkesë të shumë qytetarëve, u vendos nga këshilli organizativ për shënimin e tetë vjetorit të Pavarësisë, të ripërtërihet në dimension dhe pamje të njëjtë.
Pavarësisht këtij reagimi, fotografia e re e Presidentit Historik Dr. Ibrahim Rugova i shton edhe më shumë bukurinë Kryeqytetit të Republikës së Kosovës, Prishtinës, e cila i takon çdo qytetari pa dallim përkatësie politike.
