Kushtet që i ka vendosur Goran Rakiq, kryetar i Mitrovicës Veriore, për kufirin administrativ ndërmjet kësaj komune dhe Mitrovicës së Jugut kanë bërë që procesi të zvarritet, raporton KTV.
Për afër 1 muaj, zyrtarët e këtyre dy komunave, bashkë me zyrtarët e BE-së në Kosovë nuk kanë mbajtur asnjë takim, për ta zbatuar marrëveshjen e 25 gushtit të vitit të kaluar.
KohaVisioni ka mësuar nga disa burime të ndryshme se Rakiq ka kërkuar dalje nga Pakoja e Ahtisaarit për ta caktuar këtë kufi.
Në jug thonë se kryetari Agim Bahtiri është i vendosur që asnjë marrëveshje që tejkalon Ahtisaarin, nuk do të pranohet.
Ndihmë për këtë proces është duke dhënë edhe Ministria e Administrimit të Pushtetit Lokal, për shkak të veçorisë së rastit.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
