Elmaze Xhema, zyrtarja e suspenduar e prokurimit në Ministrinë e Financave, vazhdon të kryej punën sikur të mos kishte ndodhur asgjë.
Kështu të paktën shihet në njoftimet për kontrata të kësaj ministrie të publikuara në ëeb faqe të Komisionit Rregullativ të Prokurimit Publik, shkruan Gazeta Fjala.
Xhema, të cilës i është marrë licenca e punës, vazhdon të qëndroj në të njëjtën zyrë dhe të kryej të njëjtat detyra (bazuar në njoftimet e publikuara) për të cilat ishte pezulluar nga punë, pasi kishte bërë një varg shkeljesh të konstatuara edhe nga Organi Shqyrtues i prokurimit Publik.
Gazeta Fjala ka provuar të kontaktoj me zyrtaren Xhema mirëpo në telefon është përgjigjur një kolege e saj, e cila ka konfirmuar se Xhema është në punë, por në atë moment ishte në një takim dhe mund të kontaktohej pas pauzës.
Ajo nuk ka informacion për përfundimin e masaës së pezullimit të koleges së saj.
“Unë sa u ktheva prej pushimit nuk e di a ka përfundu masa e pezullimit të punës ndaj zonjës Xhema”, tha Rabijë Kryeziu.
Gazeta Fjala ka raportuar në dhjetorë se si OSHP pas shkeljeve të vazhdueshme të rregullave të prokurimit, kishte vendosur që asaj t’i merret licenca e punës me 4 dhjetor me arsyetimin se “zyrtarja e prokurorimit në fjalë ka bërë shkelje të vazhdueshme esenciale të dipozitave të Ligjit të Prokurimit Publik”.
