Kryetari i Komunës së Prishtinës, Shpend Ahmeti, ka akuzuar Qeverinë e Kosovës për bllokim të kredisë nga Banka Evropiane për Rindërtim dhe Zhvillimin që është parapa të destinohet për Trafikun Urban në kryeqytet, transmeton Indeksonline.
Ahmeti ka shkruar në Facebook se të gjitha autorizimet janë kryer, ndërsa Qeveria sërish iu ka kërkuar një letër si arsyetim, duke e vonuar ende projektin.
Ky është postimi i Ahmetit në llogarinë e tij në Facebook:
Në vitin 2014 kemi arritur të bindim Bankën Evropiane për Rindërtim dhe Zhvillim të investojë në Trafikun Urban edhe pse ishte ndërmarrje para falimentimit.
Kredia e dakorduar ishte në shumë prej 10 milion euro dhe asistence teknike falas 700 mijë euro.
Undërtua modeli financiar dhe u caktuan projektet për ta përmirësuar gjithë kompaninë.
Për ta marrë kredinë e volitshme nevojitet garancioni i sovranitetit. Kjo nënshkruhet nga qeveria dhe ratifikohet nga Kuvendi.
Në gusht të vitit 2015 kemi negociuar dhe nenshkruar kushtet e kredise me qeverine. Me 3 shtator bordi i BERZH ka votuar pro.
Të gjitha autorizimet u bënë dhe gati për nënshkrim. Prej shtatorit e deri më sot qeveria NUK e ka proceduar dhe nuk ka dërguar kurfarë përgjigje për mosprocedimin.
Në ndërkohë janë zhvilluar të gjitha procedurat e prokurimit.
Sot ka ardh një delegacion nga BERZH për ta kuptuar pse po vonohet nënshkrimi. Dhe sot marrim thirrje nga ministria për tu takuar ku na kërkojnë edhe një letër si arsyetim për moslëvizje qe nga gushti.
Ky vonim është i kotë dhe NUK është mbështetje as nga ministria e as nga qeveria.
