Kompania kineze Oppo zbuloi sot një telefon të ri me parametra mesatarë. Telefoni inteligjent Oppo A53 është krijuar i gjithi me metal. Ai ka ekran me prekje 5.5 inç me rezolucion 720 pikselë dhe fuqizohet nga procesori Qualcomm Snapdragon 616 SoC me tetë bërthama Cortex-A53 me shpejtësi 1.5 GHz. Telefoni ofron 2GB RAM, 16GB hapësirë të brendshme, e cila mund të zgjerohet nëpërmjet kartës microSD, rrjetin 4G LTE, dy vende për karta SIM dhe bateri me kapacitet 3,075 mAh.
Kamera e tij parësore është 13 megapikselë, ndërsa kamera dytësore është 5 megapikselë. Telefoni operon me sistemin Android 5.1 Lollipop me ndërfaqen Color OS 2.1 të kompanisë kineze.
Pajisja mbështet rrjetin 4G LTE, Wi-Fi, Bluetooth 4.0, GPS/A-GPS dhe MicroUSB 2.0.
Çmimi nuk është bërë i ditur, megjithatë mendojmë se nuk do të kushtojë shumë shtrenjtë.
