Pasditen e të shtunës, pikërisht më 28 nëntor në Asbach-Bäumenheim (landi i Bavarisë), Gjermani, një kosovar 36 vjeç ka marrë plagë të rënda me thikë në qafë, duke u përballur me rrezik për jetën. I dyshuar per këtë plagosje është një kosovar tjetër i moshës 34 vjeçare, i cili i është dorëzuar gjyqtarit hetues.
Sipas informatave të para që ka marrë policia, personi 36 vjeçar nga qyteti Donauwörth kishte shkruar për vizitë te një i njohur në Asbach-Bäumenheim, shkruan presse-augsburg.de. Rreth orës 13.40, kur ai përcillet nga mikpritësi, derisa ende ishte ne oborrin e tij, u bashkëngjitet perosni i tretë, i cili papritmas nxjerr thikën dhe e godet kosovarin 36 vjeçar në qafë, transmeton albinfo.ch.
I plagosuri ia del të largohet dhe drejtohet te një barnatore e afërt, por pasi ka humbur shumë gjak, alivanoset dhe rrëzohet në shkallë. Kalimtarët e rastit i ofrojnë ndihmë dhe njoftojnë mjekun e emergjencave e ky i fundit, policinë.
Vendi i ngjarjes është kontrolluar dhe aty është gjetur dhe arrestuar edhe dorasi i dyshuar. Ai e ka pranuar veprën para policisë ndërsa ka treguar se thikën e ka hedhur një pellg uji afër vendit të krimit. Zhytësit e kanë gjetur thikën e përmendur dhe e kanë konfiskuar.
Ende nuk dihet motivi i sulmit por siç thonë organet hetuese, dorasi vuan nga problemet psikike.
I dëmtuari me plagë të rrezikshme për jetën është dërguar në Klinikën Qendrore të Augsburgut, përcjell albinfo.ch njoftimin nga mediet gjermane. Aktualisht gjendja e tij është stabile.
