Ndoshta jeni mësuar të shihni video muzikore me makina luksoze, pajisje teknologjike nga më modernet, femra dhe meshkuj të bukur, por ky nuk është rasti kur bëhet fjalë për Adele. Këngëtarja përdori një telefon të vjetër, nga ato me kapakë, tek kënga e re “Hello”. Si duket, telefonat me kapakë nuk janë edhe aq jashtë mode.
E frymëzuar nga Adele, edhe kompania koreane Samsung ka vendosur të krijojë një telefon inteligjent me kapak. Sipas Sammobile, telefoni me kapak i Samsung-ut do të quhet SM-W2016, dhe do të vijë me dy ekrane 3.9 inç me rezolucion 1280×768 pikselë. Telefoni do të ketë edhe një tastierë numerike, e cila do t’ju kujtojë vitet ’90.
Pajisja do të ketë gjithashtu procesorin Exynos 7420, 3 GB RAM, 64 GB hapësirë të brendshme, kamerë parësore 16 megapikselë dhe kamerë dytësore 5 megapikselë. Jo keq për një pajisje të vjetër, apo jo?
