Liderët e opozitës pas mbledhjes në zyrat e LVV, në një konferencë për media, kanë thënë se në Kosovë nuk mund të ketë stabilitet përderisa ekziston marrëveshja për Asociacionin e Komunave Serbe dhe për Demarkacion. Për ta miratimi i buxhetit nga ana e pozitiës është illegal.
Kryetari i LVV, Visar Ymeri mbledhjen e Kuvendit e ka quajtur ilegale pasi që pushteti miratoi buxhetin e Kosovës duke përjashtuar një pjesë të konsiderueshme të deputetëve, raporton Gazeta Express.
“Po shihet qartë që në Kosovë nuk do të ketë stabilitet derisa ekzistojnë këto dy marrëveshje. Njëra për demarkacionin, kurse tjera për Asociacionin e Komunave Serbe”, tha Ymeri.
Kurse kryetari i NISMAS’s, Fatmir Limaj, tha se ka një kërkese për prokurorinë që ata të mos behën instrument i pushtetit.
“Jemi në betejë për ta kthyer republike. Për Prokurorinë kam një kërkesë, që ata të mos bëhen instrument i pushtetit”, tha Limaj.
Ndërsa i pari i AAK’së, Ramush Haradinaj, tha se ata e dinë që pushteti merret me votë, por kësaj here është një situatë më ndryshe.
“Pajtohemi që pushteti merret me votë, por kësaj here po flasim për marrëveshje që dëmtojnë vendin”, u shpreh ai.
