Ambasadori amerikan Greg Delawie ka reaguar ndaj opozitës në Kosovë të cilët e kanë vlerësuar si provokim thirrjen e seancës së nesërme në Kuvendin e Kosovës.
Delawie ka vlerësuar se provokim është dhuna e përdorur në Kuvend.
“Përdorimi i dhunës për të penguar Kuvendin – anëtarët e së cilit janë zgjedhur nga shumica e popullit të Kosovës – është provokimi i vërtetë”, ka thënë Delawie në një postim në profilin e tij zyrtar në Twitter, transmeton Klan Kosova.
Partitë opozitare kanë dalë në konferencë për media ku kanë thënë se nuk do të lejojnë seancë nesër në Kuvendin e Kosovës.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
