Është ndaluar një personazh i njohur i botës islamike skandinave. Edhe në burg vazhdonte të jepte urdhra dhe të rekrutonte atentatorë vetëvrasës. Të arrestuarit e tjerë janë nga Italia, Mbretëria e Bashkuar dhe Finlanda
Shtatëmbëdhjetë veta janë arrestuar mëngjesin e të enjtes me akuzën e terrorizmit ndërkombëtar.
Një organizatë terroriste ndërkombëtare e rrënjosur në mënyrë transversale në vende të ndryshme të Europës është zbuluar nga karabinierët e ROS-it në bashkëpunim me autoritetet gjyqësore dhe policore të Mbretërisë së Bashkuar, Norvegjisë, Finlandës, Gjermanisë dhe Zvicrës, të koordinuara nga Eurojust.
Figura kryesore e organizatës terroristike është Faraj Ahmad Najmuddin, i njohur si mulla Krekari. Ai është i dyshuar për planifikimin e një atentati terroristik në Itali. Më 2001 e kishte themeluar Ansar Al-Islam, grupin terroristik kurd sunit, qëllimi i të cilit ishte të krijonte një shtet islamik në Kurdistan.
Të arrestuarit tjerë janë në Itali, Abdul Rahman Nauroz, Hama Mahmoud Kaml, Abdula Salih Ali, Hasan Saman Jalal, Mohamad Fatah Goran, Hodza Eldin e Jamal Ibrahim; në Mbretërinë e Bashkuar, Awat Wahab Hamasalih, Hamad Bakr e Rahim Zana Abdul Rahman dhe Kadir Sharif; në Norvegji, përveç Faraj Jhmad Najmuddinit alias Mullah Krekar, edhe Twana Karim Rahim dhe Fatah Kamil Jalal; në Finlandë, Seddek Kadir Karim.
