Një person është vrarë me armë zjarri dhe një tjetër ka mbetur i plagosur. Ngjarja ka ndodhur mesditën e së mërkurës rreth orës 14:10 një një restorant në fshatin e Mëzes, në rrugën e Dajtit.
Sipas policisë “shtetasi Enton Nikaj 30 vjeç, është qëlluar me armë zjarri pistolete, i cili me pas ka ndërruar jetë. Sakaq ka mbetur i plagosur shtetasi me iniciale I.Gaxheri (pronar i restorantit) i cili dyshohet të jetë goditur me qytën e pistoletës”.
Pas këtij veprimi autorët e dyshuar janë larguar nga ambjentet e restorantit me një automjet .
Sipas bluve si viktima ashtu dhe i plagosuri janë banorë të Tiranës dhe persona me precedentë të mëparshëm penal.
Menjëherë në vendngjarje ka shkuar grupi hetimor si edhe Prokurori i gatshëm.
Gjatë kqyrjes të vendit të ngjarjes janë gjetur, fiksuar dhe sekuestruar në cilësinë e provës materiale 1 copë gëzhoje pistolete, si edhe është bërë sekuestrimi i pamjeve filmike të kamerave që dispononte ky restorant.
Gjithashtu nga ana e Policisë janë ngritur grupe të shumta kontrolli ku janë kryer një sërë kontrolle banesash dhe po punohet për zbardhjen e dokumentimin e plotë të ngjarjes dhe kapjen e autorit/ve të dyshuar të kësaj ngjarje.
