Zëvendës-presidenti Joe Biden, gjatë një dëshmie në Senat në vitin 2005, sa ishte në Krye të Komitetit për Punë të Jashtme të Senatit Amerikan, kishte rrëfyer për kërkesën që ia kishte drejtuar Ramush Haradinajt që të kujdeset për Manastirin e Deçanit që është i mbrojtur nga UNESCO.
Biden kishte dëshmuar në Senat pasi Haradinaj kishte dhënë dorëheqje për shkak të akuzave për krime lufte. Para Senatit, Biden e kishte lëvduar Haradinajn për lidershipin si Kryeministër.

Joe Biden kishte zbuluar se ish-Kryeministrit i kishte kërkuar të kujdesej për Manastirin e Deçanit gjatë trazirave të marsit të vitit 2004.

“Duke e ditur se territori përreth Deçanit është baza politike e z.Haradinaj, unë i dërgova atij një letër konfidenciale pasi u ktheva në Washington. Në letër unë shkruajta se po llogarisja personalisht tek ai që ta garantojë dhe ta mbrojë Manastirin Ortodoks Serb që sapo e kisha vizituar”.

Biden duke përshkruar Haradinajn si njeri të fortë që mund ta nxjerr edhe “demin nga lloçi”, kishte thënë se fal tij Manastiri i Deçanit kishte mbetur i paprekur.