Apple është zënë në befasi nga një firmë kineze, e cila së fundmi ka prezantuar klonin e iPhone 6S. Kompania “Fruit” ka hedhur në treg telefonin e ngjashëm me pajisjen iOS, por me vetëm një dallim, çmimin.
Kopja e telefonit të Apple ka dalë në treg për 37 dollarë, derisa pajisja origjinale, iPhone 6S kushton mbi 600 dollarë.
Kloni ka një ekran 5-inç QHD, procesorin Spreadtrum quad-core, 512 megabajt RAM memorie dhe 4 GB memorie të brendshme, shkruan “Koha”.
Pajisja e re punon me një version të modifikuar të sistemit operativ Android dhe nuk posedon veçoritë e iPhone 6S-it siç janë 3D Touch, Live Photos dhe shërbimet tjera të veçantë.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
