Kryeministri Isa Mustafa shuan shpresat që kosovarët gjatë mandatit të tij do t’i nënshtrohen referendumit, ose të paktën nga ana e tij nuk do të ketë iniciativë për të bërë një ligj për referendumin.
Dhe kjo nga opozita më tepër po shihet si frikë e pushtetit për t’u përballur me sovranin, për faktin që sipas tyre, Qeveria i tradhtoi ata, raporton KTV.
Megjithatë, Vetëvendosje është e bindur se Kosova herët ose vonë do ta ketë Ligjin për Referendumin, edhe pse janë të vetëdijshëm që ai nuk do të realizohet në këtë mandat.
Afrim Hoti, profesor i shkencave politike, thotë se është fondamentale që Kosova ta ketë ligjin për referendumin, por që sipas tij, në këtë kohë realizimi është i pamundur.
Sidoqoftë, Kosova para së të shpallej e pavarur, kishte një projektligj të përpiluar nga ekspertë ligjorë, por që nuk ishte miratuar për faktin se kishin ndikuar ndërkombëtaret.
E në anën tjetër, edhe në Vetëvendosje thonë se ka kohë që kanë financuar hartimin e një projektligji për referendumin, përcjell koha.net.
Të tria partitë opozitare vazhdimisht kanë kërkuar që marrëveshjet e arritura në Bruksel të dalin në referendum, e një lloj referendumi ata i konsiderojnë edhe edhe zgjedhjet e parakohshme.
Kronika e plotë e KTV’së
