Në marrëveshjet e Kosovës dhe Serbisë nën monitorimin e Bashkim Europian, ban pjesë edhe marrëveshja që i mundëson komunave veriore me pasë qasje të drejpërdrejtë në të hyrat doganore nga Serbia.

Mirëpo ketë kompetencë nuk e kanë komunat tjera të Kosovës. 

Ketë e ka konfirmue Kreytari i Hanit të Elezit, Rufki Suma gjatë nji interviste për Televizionin Rrokum.

Simbas tij, për ketë çashtje ka paknaqësi edhe nga ana e qytetarëve.

Ai thotë se kane më iu drejtue si Kuvend Komunal, me shkrim Qeverisë së Kosovës, për me kërkue që sadopak me përfitue nga të hyrat doganore.

Simbas Sumës, ky asht nji diskriminim jo veç për Hanin e Elezit po për të gjithë komunat me shumicë shqiptare në vend.

E sa i përket autostradës  “Arbën Xhaferi”, Prishtinë-Shkup, e cila kalon edhe nëpër Han të Elezit, Suma thotë se kjo nuk i shkon edhe aq për shtati qytetarëve të kësaj komune, derisa rendit arsyet se pse kjo rrugë i penalizon ata.

Përfitimet e vetme që qytetarët e Hanit të Elezit mund t’i marrin nga kjo Autostradë asht në fillimet e saj, ku ata munden me punue në kompanitë që merren me ndërtimin e rrugës.