Zllatan Ibrahimovic vendos të bëjë misteriozin. Gjigandi suedez as nuk hap por as nuk mbyll dyert e një transferimi të mundshëm të tij, duke i lënë të gjithë përgjejësinë agjentit Mino Raiola. Sulmuesi i PSG në këtë mënyrë lë në pritje kuqezinjtë e Milanit të cilët shpresojnë për një rikthim të mundshëm të tij tek ta. Në ndeshjen miqësore me Fiorentinën që u fitua nga parizienët 33-vjecari shënoi një gol dhe në konferencën për shtyp pas takimit ai deklaroi:
“Fituam, por kjo ishte vetëm një miqësore. Ndeshja shkoi mirë dhe tashmë duhet të përgatitemi për kampionatin. Për momëntin jam i fokusuar vetëm tek e tashmja dhe për sa i përket të ardhmes time ajo është në duart e agjentit tim Mino Raiola.”
Edhe pse Ibra tentoi të mos linte hapësirë për spekulime, ato gjithsesi ndodhën me mediat italiane, të cilat menjehrë supozojnë se tashmë Milani ka një shans më të madh për të riveshur kuqezi Ibrahimovic, pasi Presidenti Galliani ka një raport shumë të mirë me Mino Raiolan. Sipas mediave italiane, pas takimit me Fiorentinën Ibra rimori emocionet e kampionatit italian ku është aktivizuar për dy sezone rradhazi dhe tashmë e ardhmja e tij tek Liga e parë franceze vihet ne dyshim. Golashënuesi më i mirë i të gjitha kohërave në Suedi shënoi plot 56 gola në 85 ndeshje që u aktivizua me gjigandët e Serisë A, para se të transferohej në Paris. Sulmuesi suedez i cili ka luajtur në shumë kampionate europiane si ai spanjoll apo holandez ende nuk ka prekur Premier Leaguen dhe tashmë me Lusi van Gaal në krye nuk është cudi eqë të luhet edhe karta e transferimit të tij në Old Trafford.
