Lajmi është marrë vesh mëngjesin e së enjtes, përpara se të niste etapa e 6 e Turit të Francës në Abbeville, por në etapën e djeshme të përfunduar në Amiens, ka ndodhur një incident.
Një shishe plastike bosh, e hedhur nga një çiklist i skuadrës Astana, ka goditur një vajzë të vogël e cila po qëndronte pranë rrugës, duke e plagosur në mjekër. E vogla i është nënshtruar tri qepjeve për të mjekuar plagën.
E megjithatë, me të marrë vesh lajmin mbi incidentin, e gjithë skuadra Astana e çiklistit italian Vincenzo Nibali është solidarizuar me vajzën e plagosur.
“Kërkojmë falje ndaj vajzës për çfarë ka ndodhur, i qëndrojmë pranë në këtë moment”, kanë thënë përgjegjësit për komunikatat me shtypin, në ekipin nga Kazakistani.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
