Aknet janë një gjendje që prekin shumë njerëz në botë, por për shumicën janë një kujtim i zymtë i adoleshencës. Në realitet, aknet janë një kusht që përjetohen edhe nga shumë të rritur.
Aknet mund të shfaqen në çdo kohë të jetës. Në adoleshencë fajtori kryesor është efekti i testosteronit në lëkurë, por ndërsa ne rritemi lista e shkaqeve nga aknet mund të rritet.
Lëkura jonë përmban miliona gjëndra të qimeve dhe aknet shfaqen kur këto bllokohen. Gjëndrat dhjamore brenda gjëndrave të qimeve lirojnë një substancë e cila quhet ‘sebum’ dhe që është përgjegjëse për shkaktimin e lagështisë, yndyrës dhe një pengese të ujit për të hyrë në lëkurë.
Nëse keni akne, atëherë ju keni një prodhim të tepërt të këtij sebumi i cili përzihet me qelizat e lëkurës. Kjo ofron një mundësi perfekte që bakteret të lulëzojnë, duke rezultuar në inflamacion kryesor të puçrrave.
Shkaqet
Disa pacientë të cilët kanë akne në moshë të rritur, e kanë përjetuar këtë kusht edhe në vitet e tyre të rinisë. Për të tjerët mund të jetë hera e parë gjatë moshës madhore. Aknet kanë një bazë të fortë trashëgimore, me një nga studimet më të mëdha që sugjeron se 80% e rasteve me akne kanë një komponent gjenetik, transmeton Lajmi.net.
Për fat të keq për gratë, shkaktari kryesor i akneve gjatë moshës madhore janë hormonet. Luhatjet gjatë ciklit menstrual, shtatzënia dhe menopauza gjithashtu kanë lidhje me aknet. Gratë të cilat vuajnë nga sindromi ovarian policistik (PCOS) janë më të prira për të pasur akne në fytyrë, për shkak që ato kanë nivele të larta të testosteronit, i cili rritë prodhimin e sebumit dhe është përgjegjës për bllokimin e gjëndrave të qimeve.
Trajtimet
Ka shumë trajtime të cilat luftojnë aknet dhe ato përfshijnë ilaçe farmaceutike dhe receta me përgatitje të fortë. Pacientët shpesh inkurajohen që të fillojnë me trajtime në formën e xhelit, kremit ose pastruesve të lëkurës. Trajtimet e linjës së parë për aknet janë ilaçet e quajtura ‘retinoid’ apo ‘benzoyl peroxide’, të cilat ndihmojnë shumë.
Nëse trajtimet me këto dështojnë për të përmirësuar simptomat, antibiotikët mund të konsiderohen si trajtim. Për fat të keq, një përqindje e vogël e pacientëve nuk do t’u përgjigjen këtyre trajtimeve, ku në këtë rast mjeku do t’u rekomandojë që të vizitoni një dermatolog për trajtim të specializuar.
Aspekti më i rëndësishëm i trajtimit është që të kuptoni se ai nuk e zgjidhë problemin brenda natës dhe duhet të vazhdohet për të paktën gjashtë deri në tetë javë para se të shihen përmirësimet, transmeton Lajmi.net.
Disa antibiotikë mund të marrin muaj për të shfaqur efekte. Përderisa mjekësia po përparon, opsionet e trajtimeve dhe kombinimeve janë duke u përmirësuar gjithashtu. Me të gjitha opsionet në dispozicion, ju mund të shpëtoni përfundimisht nga aknet nëse bëni trajtimin e duhur.
