Nuk është sekret fakti që çiftet zihen dhe, sipas studiuesve, kjo ndodh të paktën një herë në dy javë. Pjesa më e madhe e këtyre grindjeve janë konflikte të përkohshme, keqkuptime të cilat mund të zgjidhen me një shfajësim dhe pak mbështetje.
Por zënkat që zgjasin deri në atë pikë sa çiftet e kanë të vështirë të gjejnë një zgjidhje, e kanë bazën në të plotfuqishmen “para”. Në fakt 38% e meshkujve dhe femrave janë shprehur gjatë një sondazhi se paratë janë shkaku kryesor i problemeve të tyre në çift. Kjo u paraprin arsyeve të tjera të mosmarrëveshjeve si ndarja e detyrave shtëpiake dhe numri i herëve që ata dëshirojnë të kryejnë marrëdhënie seksuale, trasmeton Puhia.com
Pra, nëse dëshironi që të ndani punët e shtëpisë dhe të bëni më shumë seks, në fillim duhet të bini dakord për çështjen e parave.
Shumë probleme parash burojnë nga akti se çiftet kanë qëllime të ndryshme financiare, për shembull ajo dëshiron oxhak mermeri, ndërsa ai preferon një televizor me ekran të sheshtë për të ndjekur ndeshjet e futbollit. Grindjet mund të ndodhin gjithashtu për shkak të mungesës së komunikimit për këto qëllime, për shembull njëri nga partnerët paguan të gjitha faturat, ndërsa tjetri rri krejt indiferent ndaj kësaj çështjeje. Një motiv i tretë që çon në grindjen mes çifteve është edhe stresi i jetës së përditshme dhe sasia e parave që u duhet të paguajnë çdo ditë, e cila bën që individët të mos ta mendojnë fare punën e marrëdhënies seksuale. Studiuesi amerikan, Erin Gredge, shprehet se çiftet janë të prirur të dëshirojnë më shumë njëri-tjetrin nëse kanë kaluar një ditë të mirë dhe pa strese, dhe nëse në sajë të parave seksi bëhet në një ambient edhe më romantik, atëherë ata nuk kanë çfarë kërkojnë më tepër. “Paraja bën të mundur realizimin e shumë dëshirave dhe sjelljeve romantike, të cilat femrat i kanë shumë për zemër ndaj dhe përfundimi në shtrat mund të jetë më i lehtë”, thotë ai.
– Kuptoni ndarjen e dhuratave për meshkujt dhe femrat. Meshkujt kanë për zemër dhuratën që bën përshtypje, që të lë me gojëhapur dhe që kushton një sasi të madhe parash. Nga ana tjetër femrat preferojnë kreativitetin dhe mendimin, e cila shpesh mund të lihet pas dore nga bashkëshorti apo i dashuri duke u kushtuar më shumë vëmendje gjërave të mëdha. Bëhuni sa më shumë romantikë me një femër, dhurojini asaj një buqetë të madhe me lule që nuk kushton shumë, duke i shtuar edhe një dedikim të bukur, të jeni të sigurt që do të funksionojë më shumë se një orë e shtrenjtë.
– Mos lejoni që paratë të kthehen në një çështje kontrolli. Nëse një person në një marrëdhënie vë në bankë një sasi më të madhe lekësh se sa tjetri, përgjithësisht ndodhin dy gjëra. Personi që mbledh më pak para është i frikësuar, sepse mendon se nuk ka të drejta tek ato para, ndërsa personi tjetër do t’i shpenzojë ato si një i çmendur. Për të evituar këto konflikte vendosni një buxhet të përbashkët duke i ndarë në mënyrë të barabartë. Duhet të jeni të barabartë në gjithçka, femra ndjen më shumë kënaqësi gjatë raportit seksual nëse e di që është e barabartë në çdo aspekt me partnerin e saj.
– Mos flisni shumë rreth parave. Paratë janë burim zënkash dhe ju duhet t’i evitoni ato, ashtu siç duhet të shmangni gjithçka që u bën të ziheni me të dashurin tuaj. Flisni për gjëra të bukura sepse edhe jeta do u duket më e bukur dhe si pasojë edhe seksi do të jetë më i kënaqshëm dhe eksitus.
/kosovarja/
