75-vjetori i NATO-s, Haradinaj: Synimi ynë i vazhdueshëm është anëtarësimi në NATO

E publikuar: 04/04/2024 11:05
Rreshtat+- AShkronjat+- Printo
Ramush Haradinaj

Kryetari i Aleancës për Ardhmërinë e Kosovës, Ramush Haradinaj, ka thënë se synimi ynë i vazhdueshëm i Kosovës është anëtarësimi në Aleancën më të fuqishme të sigurisë e të paqes në Glob-NATO.

Kështu ka thënë Haradinaj në 75-vjetorin e NATO-s, derisa ka uruar vendet aleate.

“NATO, si garant i sigurisë e i paqes, sot shënon 75 vjetorin e saj. Në jubileun e 50-të, NATO në operacionin e saj më të madh ushtarak, ishte vënë në shërbim të mbrojtjes së popullit të Kosovës, ndërsa sot në 75 vjetorin e saj, vazhdon të jetë gardian i paqes në këtë pjesë të Ballkanit”, ka thënë Haradinaj.

Haradinaj ka shtuar se Kosova është e bekueme e populli i saj përjetë mirënjohës-NATO-s, të udhëhequr nga SHBA.

“Kosova është e bekueme e populli i saj përjetë mirënjohës-NATO-s, të udhëhequr nga SHBA, për rolin jetik që pati në lirinë e Kosovës, e sot në ruajtjen e paqes, aq të brishtë, në këtë pjesë të Ballkanit. Synimi yni i vazhdueshëm është, anëtarësimi në Aleancën më të fuqishme të sigurisë e të paqes në Glob-NATO. Urimet më të mira për të gjithë pjesëtarët e kësaj Aleance, kudo ku janë nëpër Botë!”, është shprehur Haradinaj.