Pasojat e marrëveshjes për kreun e shtetit
Presidentja e pafuqishme hyn në vitin e fundit të mandatit
Data 7 prill 2011 shënon ditën kur Atifete Jahjaga, bazuar në marrëveshjen trepartiake PDK-LDK-AKR, e ka lënë policinë dhe është zgjedhur presidente e Republikës së Kosovës. Ajo tani ka hyrë në vitin e fundit të mandatit, ndërsa vlerësimet për punën e saj janë tepër kritike. Dështimet më të mëdha, presidentes mund t’i faturohen për drejtësinë, ngjashëm me ish-presidentin Sejdiu. Me Kushtetutën e Republikës së Kosovës, tek përgjegjësitë e presidentes, neni 84 paragrafi 2 thuhet se ” garanton funksionimin kushtetues të institucioneve të përcaktuara në Kushtetutë”. Ajo se çfarë kemi parë deri më tani është se kjo presidente nuk ka garantuar këtë funksionim kushtetues, vlerësojnë deputetë të opozitës./KOSOVA SOT.
