Nga 854 raste të pazgjidhura nga EULEX që nga viti 2008 kur ka ardhur në Kosovë, 213 raste u përkasin vetëm krimeve të luftës. Aktualisht prokurorët e misionit evropian në Prokurorinë Speciale të Kosovës janë të përfshirë në 40 raste për krime lufte.

Në EULEX, me hetimin e këtyre krimeve janë marrë tre prokurorë. Tash në këtë mision nuk duan të komentojnë për moszgjidhjen e lëndëve.

Besa Domi, zëdhënëse në EULEX, interesimit të televizionit për të marrë më shumë informacione në lidhje me këtë cështje, është përgjigjur shkurt dhe në mënyrë të përgjithësuar në këtë mënyrë:

“EULEX nuk komenton, as nuk konfirmon apo mohon ndonjë hetim”, ka thënë Domi, përmes postës elektronike.

Për këtë çështje, Tribuna Channel ka kërkuar sqarim edhe nga kryeprokurori i shtetit, Aleksandër Lumezi.

\Gazeta Tribuna\