Një gazetar i Tiranës ka lëshuar një mori fyerjesh ndaj popullit të Kosovës; aso që nuk janë dëgjuar vitet e fundit as nga gazetarët e Beogradit, pas lajmit se vendi po ndërton përfaqësuesen e saj në futboll,raporton Express.
Gazetari i Gazetës Shekulli – një prej gazetave më të rëndësishme në Tiranë, Isuf Kurtaj, ka fyer rëndë shqiptarët e Kosovës, pas lajmit se disa futbollistë të Kombëtares kanë vendosur të luajnë për Përfaqësuesen e Kosovës në futboll.
Ai Kosovës i referohet si “Kosovë dhe Metohi”, derisa nuk heziton aspak t’i cilësojë shqiptarët e Kosovës si racë e poshtër.
Ja çfarë shkruan ai në Facebook.
“E zëmë se Kosovska-Metohio që shumë prej jush i paska gërryer kaq shumë meraku me bë ekip kualifikohet, një gjë doja t’ju pyesja: si leshin do të brohorisni? O sa mirë me qenë kosovarë? Yt racë e poshtë!”, ka shkruar gazetari Isuf Kurtaj.
Ndryshe, komente të tilla jashtëzakonisht fyese ndaj shqiptarëve të Kosovës, ka kohë që nuk janë dëgjuar e as shkruar as nga nacionalistët serbë në Beograd.
